楊受成新片冇受政局影響
楊受成、詩雅和鍾舒漫昨日出席香港國際影視展的攤位，對於周杰倫和謝霆鋒主演的新片《逆戰》在約旦取景，但有指因受到政局問題受到阻礙，楊受成否認：「電影仲未開拍，導演林超賢同周杰倫喺當地只係籌備同訓練。（局勢有影響？）冇，地方相距很遠。（改去馬來西亞拍？）未有咁嘅打算，馬來西亞係一早預定嘅另一個拍攝地，原定計劃應該無變。」他又澄清霆鋒會照原定計劃今天起程入營集訓，並非受局勢問題而押後出發。
而鍾舒漫笑言希望有機會拍更多不同類型電影：「最希望做傻婆角色，平時做藝人唔可以將傻大姐一面表現。」而現場遊客誤認詩雅是范冰冰，令詩雅聽後極之開心！
楊受成表示新片尚未開拍，故不受約旦政局問題影響。
詩雅（右）希望與鍾舒漫合作演傻婆角色。