欣宜與Fans約定紅館見！

粉絲的每份心意對藝人來說是最有力的支持，歌手鄭欣宜（Joyce）雖然入行多年，但年初才首次以歌手身份出碟，現已收到不少禮物，包括熊仔花及Fans的安慰信，令她感動不已，她說：「本來專輯預定舊年11月推出，當時好開心同所有人分享，可惜最後要延期。有一位Fans知道我唔開心，所以寫咗呢封信安慰我，仲有其他Fans整曲奇畀我食！」其後她正式出碟，又收到一分難忘的禮物：「係一張自製嘅『白金唱片』，覺得佢哋好有心思，絕對係超大的鼓勵！」

另一份禮物是「巨型幻想紅館個唱門票」，Joyce說：「呢一份都係簽唱會收到嘅禮物，收到嘅時候真係喊咗出嚟，我將佢放喺床頭，每晚臨瞓見到都會同自己講，明天繼續為這個目標努力！」

收到巨型的個唱門票，令Joyce感動落淚。

每份Fans送的禮物都代表無盡的心意，Joyce表示要好好保存。