熊黛林:佢哋認咗?

熊黛林前晚出席活動,提到有指Angelababy掛住拍拖影響工作,她即反問:「佢哋認咗喇咩?」她自言會以工作為先。

連卡佛前晚展示新一季春夏裝,Create & Inspire發布會場更邀得國際知名插畫家Blue Logan在會場即席將各時尚愛好者以畫筆靈巧地展示在白壁上,前晚邀得多位名人出席雞尾酒活動,包括熊黛林(Lynn)、馬詩慧、Lisa S.、謝婷婷及安志杰等,為活P:動生色不少!

早前有指Baby拍攝電影時因拍拖而經常甩底,問到Lynn會否羨慕Baby能與男友黃曉明一齊拍戲?她即瞪大眼反問:「佢哋認咗喇咩?」場面搞笑!雖然她希望能與不同人合作磨練演技,但她不禁甜絲絲地說:「咁我都希望有機會可以同佢(城城)合作嘅,佢係影帝嚟o架嘛!啲演技咁勁,我都想喺佢身上學嘢!」

馬詩慧禁女兒做o靚模

另外,穿上六吋高跟鞋到場的馬詩慧型格十足,她透露與老公王敏德忙於為大女兒的暑期工鋪路,她說:「佢今個暑假返嚟做暑期工,所以我哋依家幫佢搵緊工。」問到大女會否考慮做模特兒?她說:「佢唔夠高。(做o靚模?)我唔會畀佢哋做o靚模。」而謝婷婷則透出白Bra與男友安志杰雙雙到場,甜蜜搶鏡!

影視組

熊黛林提起城城時,總是忍不住甜笑!

Lisa S.性感赴會,高貴迷人。

馬詩慧一身型爆打扮,不失名模風範。

謝婷婷與安志杰手拖手到場,大晒Sweet!