Crystal@HotCha墊胸扮女僕
昨日組合HotCha以大使身份為《C3日本動玩博覽》揭幕，她們坦言一向是漫畫迷，Regen說：「成日會將自己代入角色，幻想如果女主角係我就好喇！個個男友都好似金城武咁靚仔！」
而Crystal坦言曾為跳舞表演而打扮成女僕Cosplay造型：「女僕衫要好好身材先着到，我咪惟有搵嘢塞一塞，將有墊嘅打底衫打孖上！」對於日本少女組合AKB48在不同時間同場現身，三人感到驚喜，並大讚團中的板野友美最靚，Winkie說：「佢真係好靚，眼大大咁，我睇過佢MV，勁性感惹人遐想，但如果套落我哋身上，會變成搞笑版囉！」
Winkie（左起）、Crystal和Regen表示經常幻想自己是漫畫女主角，可有個靚仔男友。