曾經歷南亞大海嘯的無綫高層樂易玲，昨日見電視播出日本地震災情時，不禁憶起當日片段，她說：「我好不安！啱啱又嘔、頭暈兼大喊，我喺辦公室都要閂埋門冷靜一下，最後飲咗杯暖水先冇咁激動。好彩冇任何藝員喺日本，聽到海嘯會到香港，而我又住近海，所以要馬上返屋企，帶屋企人走上山。」
樂易玲睇日本災情勾起遇海嘯的傷痛回憶，情緒激動。 （資料圖片）
