莊思明提陳司翰怕醜

港姐莊思明前晚出席《Flash ON weekly》活動時，否認單戀陳司翰，更着大家問問男方：「點解你哋唔問吓佢？」似乎怕醜呢！

時尚周報《Flash ON weekly》於銅鑼灣時代廣場舉行的《FLASH Outline彩妝藝術互動展覽》，連日吸引不少名人及明星捧場。莊思明前晚獨自欣賞，更急急否認單戀陳司翰的傳聞：「真係唔公平！點解你哋唔問吓佢？搞到我好似單戀佢咁！（物色緊對象？）唔好話搵緊，如果遇到好都可以考慮發展！（多男仔追？）唔可以咁講，我一向男仔朋友多過女仔朋友！」

陳嘉容港大任教

至於前亞姐黎淑賢昨日與丈夫許智政到場欣賞，她大讚展品美麗又有型：「我都想化一個咁靚嘅妝！我有鑽研化妝，所以成日都睇呢類雜誌。（駁髮變形象？）我先生鍾唔鍾意，就要問吓佢！」而名模陳嘉容則大讚鍾欣桐演繹的彩妝照：「個妝好有型，好適合鍾意去派對嘅女仔！」她表示近日在香港大學任教，指導學生見工時的打扮。

而修讀時裝設計的模特兒蔡穎恩，昨日一放學便捧場：「我修讀時裝設計，所以專登嚟取經！」她表示將推出DVD Magazine，內有不少她的食相：「我鍾意食，所以拍攝時不停咁食，搞到好肥！依家正努力減肥，希望快啲瘦番！」