阿嬌冷對Juno甩拖
阿嬌昨日連趕兩場活動，對於前緋聞男友麥浚龍（Juno）與模特兒女友戴庚玲分手，阿嬌表示未有留意報道，只從身邊朋友口中得知，她淡淡然說：「咁搞笑？（朋友報喜？）我都冇睇。（安慰Juno？）點解要安慰呀？自己公開得就負得起呢個責任。（你唔開心佢都有安慰你？）佢唔係安慰我感情事嘛！唔會介入人哋感情問題。」
至於Juno回復單身，兩人有否機會撻着？她說：「呢啲緣分嚟嘅，人哋啱啱分手唔通問人得唔得閒呀？（擇偶要靚仔有錢？）唔係吼住人哋份身家嘅。（唔想嫁入豪門？）冇諗過，隨緣啦！人哋天生有錢冇辦法要人窮o架！（你試過唔好？）冇試過！」此外，阿嬌在另一場合上表示忙於工作，無暇分身拍拖。
阿嬌獲創作總監Sunny讚賞，受寵若驚。
Sunny(左) 胡敏珊 (右)