Carol谷肥巨咪周秀娜當冇到
宿敵楊梓瑤（Carol）與周秀娜前晚於電影《猛男滾死隊》首映碰頭，前者低胸露背騷巨咪，令打扮密實的娜姐成為敗將，但她直言沒將Carol放在眼內：「我覺得師妹江怡好勁，青春無敵，佢贏晒！（Carol都好性感？）我冇睇！」繼而無厘頭大講劇情，即被取笑輸到連話題也沒有，娜姐只好尷尬乾笑。談到日前在日本性感行騷，似有大細超之嫌，娜姐說：「如果香港有人搵拍內衣廣告都可以商量，最緊要靚。」
搶盡「峰」頭的Carol表示早前消瘦不少，全靠媽媽秘方食魚增肥數磅，同場嘉賓還有朱裕琳、王晶、杜汶澤、莊思敏及狄易達等，其中杜汶澤於微博透露首映前在樓梯滑倒，傷及手部，被迫取消印度朝聖之旅。另外，與杜汶澤結婚六年的田蕊妮昨日接受電台訪問時大爆冧史：「佢（阿澤）之前喺杜拜拍嘢，打嚟話多謝我，仲話自己唔係最好，我都一路喺佢身邊。」
Carol性感撐首映，輕易成為焦點。
雖然偕師妹江怡（左）與Carol（右）合照，但周秀娜卻表示冇睇到Carol有多性感。
杜汶澤（前）負傷與王晶出席首映。
莊思敏笑指要「剪」片中偷食的老公狄易達。