單身Mandy Lieu「峰」騷誘仔

名模Mandy Lieu最近緋聞纏身，早前被本報拍得與老外男伴行超市，當時她強調雙方只是好朋友，原來該男伴正是G.E.M.（鄧紫棋）的外籍唱片監製Lupo Groinig！不過，Mandy心情未受影響，昨日趁三八婦女節以一副「戰鬥格」，擔任《apm企業女性形象指導團》活動形象指導，更出動私伙戰衣黑色西裝配Deep V裙大騷三吋事業線，吸引不少龍友從高處喪影！席上還有新鴻基地產代理有限公司租務總經理馮秀炎，以及大會邀請的半百名內地企業女性，場面熱鬧！

Mandy表示要趁這節日提醒男士珍惜、尊重和愛護女性，自稱單身的她，被問到將來揀男友是否須符合以上條件，她說：「係呀！（打扮性感吸引異性？）冇咁諗，我覺得溝通好重要。（緋聞有冇被公司問話？）公司不嬲都唔干涉我私人生活。」談到性感打扮令人眼前一亮，問到事業線可有加工？她自信地說：「加工應該再勁啲，我不嬲都鍾意自然、天然，係件衫個Cutting做得好好，包到Body好靚。」她又表示未有因緋聞令工作量大增，問到可會接受更性感的打扮？她說：「我都係會做自己鍾意做同埋覺得舒服嘅嘢。」

G.E.M.外婆病逝

至於G.E.M.坦言不敢問Lupo與Mandy的緋聞，她說：「我唔知呀！冇見過佢哋一齊。（錄音時搵佢八卦吓？）佢係公司嘅監製，我唔敢呀！我好驚佢，平時見到都係傾工作咋！」至昨晚約9時，G.E.M.在微博透露外婆離世，望對方安息，逾800個粉絲留言安慰。她透過公司表示外婆患癌，在上海居住，她不時飛往當地陪外婆，家人早有心理準備，外婆過身時G.E.M.母親陪伴在側。