蔡楓華驚爆(界)富貴坡妹
蔡楓華再戰樂壇,其過去再次被翻炒。他接受《娛樂 on Show》訪問時自爆昔日一段鮮為人知的感情!因為身份地位不同,他自信白白錯失一段大好良緣,流露無限唏噓。
今年再戰樂壇的蔡楓華雄心萬丈,誓要重拾昔日光輝。他接受《娛樂 on Show》主持俞詠文的訪問,除了拋下攞獎豪語外,又細訴一段鮮為人知的感情。當年有「紅唇王子」之稱的他還自爆曾跟何家淑女稔熟,真是不說不知!
曾與何家千金稔熟
提到神秘的感情生活,蔡楓華不諱言盼望結婚:「我當然想結婚!我欠阿媽太多,佢一直想我成家立室,奈何一直圓唔到佢心願……唉……依家冇拍拖,又點結婚?」他還自爆一段鮮為人知的感情:「以前環境好,試過同新加坡數一數二嘅富豪千金拍拖,可惜唔係性格唔夾,而係生活條件太大差異!當年佢嚟香港,已經帶佢去高級餐廳食飯,但佢總係唔滿意,一定要包場清走晒所有人,你話點繼續呢?」
賭王何鴻燊的千金向來討人喜歡,原來蔡楓華當年早已跟她們稔熟:「冇錯!其實我都同幾個千金認識,當年大家都有傾有講,但我知道高攀唔起。」
蔡楓華原來早與何家淑女稔熟,真的不說不知。
蔡楓華接受俞詠文訪問,罕有地公開情史。
蔡楓華今年再戰樂壇,希望重振Sing威。
蔡楓華在各方好友相助下再開騷,票房不俗。(資料圖片)