羅力威追硬林欣彤

《亞洲星光大道》冠軍羅力威憑歌唱比賽成功出位，更不時被外界拿來跟無綫《超級巨聲》彈起的林欣彤相提並論。他表示不認識對方，不過非常佩服她的巨肺氣量。

文：專案組

去年在新城頒獎禮中奪得《國語力新人獎》成為新人王的羅力威（Adason），與《超級巨聲》的林欣彤（Mag）常被人相提並論，更將兩人的肺氣量作話題，Adason表示不認識Mag，但認為有比較是好事：「唱歌呢方面有比較先有進步！（邊個好啲？）大家都咁好！」對於Mag被公認為新一代巨肺小天后，謙虛的Adason自愧不如：「唔只自己，其實好多人都覺得我唔夠長氣。向來少運動，今年要做多啲運動同練氣，希望可以追得上Mag。」

走出周杰倫陰影

Adason自言從小在同學心目中是「怕醜仔」：「細個好怕醜，但接觸音樂後，開始夠膽唱歌畀同學聽，得到唔少認同，冇諗過最後會變成事業。」

一眾前輩中，Adason較為欣賞台灣歌手蕭敬騰，佩服他在樂壇有不錯的成績，加上蕭敬騰與別不同的聲線，令Adason決心一改酷似周杰倫的唱腔，他說：「我覺得佢無論聲音同唱腔都有獨特風格，而自己成日畀人覺得似周杰倫，今年希望確認自己嘅路線，可以多唱帶有正面訊息嘅歌，唔想太K歌！好彩自己嘅音域比較闊，能夠應付高音及旋律較多嘅歌，算係自己勝人一籌嘅優點！」