相隔五年多再做歌手的黃馨，快將推出全新專輯，她透露早前為新專輯埋尾，搞到聲沙及爆瘡，故要好好養聲，談到新歌《桂花釀》，黃馨則讚不絕口，她直言被歌詞及曲風深深感動，故錄歌時也不禁「毛管戙」。
已踏入三字頭的黃馨表示，對婚姻絕不恐懼，她又笑稱自己是「音樂怪人」：「搵唔到一個形容詞形容自己，所以揀咗呢個，做創作嘅基本條件，係要過到自己，我係好Moody嘅人，可能同我呢幾年做當代藝術有關，我唔算多產，因為想啲作品好似佳釀咁，等樂迷慢慢嗒真啲味道。」
黃馨對婚姻絕不恐懼，又自嘲「音樂怪人」。
