方中信昨日揸電單車經坪石返家途中，因路上有油漬跣胎，幸只受輕傷：「架電單車壓住我隻右腳，有啲皮外傷，好彩冇骨折！」肖兔的他自言犯太歲，大嘆黑仔：「我已經攝咗太歲，希望呢個小意外擋咗！（老婆莫可欣知你出事？）畀佢鬧囉！叫我唔好揸電單車，我會放埋一邊唔揸住！」事後他上載因炒車而擦破的爛鞋照。
