瑞莎開中門為古仔止血
古天樂於新片《單身男女》中甚有女人緣，除了「正印」高圓圓外，更有台灣索模瑞莎及賈曉晨（JJ）主動埋身約會，而且她們打扮得極為性感，當中以瑞莎為甚！其中一場戲，「中門大開」的瑞莎為了幫古仔捏鼻止血，不斷向前胸壓對方，認真唔錫身！至於另一場，古仔與身穿低胸裝的JJ開餐，絕對秀色可餐！
不過，古仔竟大爆拍該片時是「一啖沙糖一啖屎」，皆因每次享艷福後，都會激嬲高圓圓：「我除咗硬食圓圓『兜巴星』同畀佢潑水之外，仲要扮跌落地，希望佢幫我包紮！」雖然圓圓因要用力掌摑而感到為難，但古仔笑言不覺痛：「圓圓再用力啲都係冇乜力！反而拍跌倒戲份就擔心啲，跌咗不下4次，又落唔到厚墊，幾乎係硬食，好彩冇整親！」
身穿低胸裝的瑞莎為古仔止血，止到血先出奇！
古仔與性感JJ同枱開餐，認真好艷福！