林峯今日推出首張國語大碟《第一次》，花了一年時間認真製作，收錄十首歌和一本性感相集。雖然劇集和電影檔期排得密麻麻，加上一連多場的巡迴演唱會，但他堅持預留時間做新國語專輯：「國語係一種自小熟悉同喜愛嘅語言，所以好耐之前已經好想擁有屬於自己嘅國語歌，依家好希望呢隻碟可以打動內地樂迷。」稍後他會作一連串內地宣傳，包括廣州、佛山、北京、上海、長沙及寧波等。
林峯如願推出國語碟，希望冧掂內地粉絲！
