Melanie Z寸Alice B.骨劖劖

Jessica C.憑Canon廣告一炮而紅，接着的第三、四代女郎Melanie Z.和Alice B.同樣備受注目，但一山不能藏二虎，Melanie更暗寸Alice骨劖劖！

昨日Melanie Z.與Alice B.出席在尖沙咀新太陽廣場舉行的《清朝皇后．羊脂白玉鐲展》活動，均以性感打扮示人。問到覺得自己與Alice哪位身形比較好？Melanie竟毫不留情地批評：「我鍾意健康嘅感覺，我唔鍾意啲骨凸出嚟，唔好睇！（睇過佢嘅廣告？）有！覺得好搞笑，拍得唔似佢真人！」問到會否想擁有師姐Jessica C.的「警鐘胸」？她繼續唱反調，滿意自己的34B身材：「唔需要！我男友開心我就開心。（如果男友要你隆胸照做？）佢唔想我整啲假嘢！」

唔希罕JC「警鐘胸」

至於被嘲「骨劖劖」的Alice自言喜歡吃辣，可能因此食極唔肥。問到有否跟Jessica C.見面？她說：「冇，但成日有聽到佢嘅嘢，都好想同佢見面！（想跟佢嘅出名之路？）我想有自己條路。（想擁有佢個『警鐘胸』？）我覺得依家幾好，如果太大胸就會好似芭比公仔!我由細到大都係呢個身形，知道點樣表現自己性感、可愛或者有趣嘅一面。」問到會否介意被稱為「飛機場」？擁有32B的她希望別人叫她名字，不想焦點被放在身材上。

文：名人組