傳梁洛施復出頭炮演武則天

梁洛施為李澤楷誕下三子後，日前突然宣布分手，迅即成影圈搶手貨！她「退出」前拍下《盜墓迷城3》，在國際影壇上具一定知名度，導演徐克看中她這優越條件，有意斟洽拍攝即將開拍的《狄仁傑前傳》。由於《狄仁傑之通天帝國》中劉嘉玲武則天一角極為突出，要是開拍《狄仁傑前傳》，相信很大機會找梁洛施演年輕版劉嘉玲。記者向徐克合作夥伴、《狄仁傑前傳》電影監製施南生求證，她說：「未接觸過梁洛施。」電影中其他選角仍未有定案，問到是否會考慮找梁洛施演出？她澄清暫未有這個想法。

至於有指梁洛施只得零分手費，其發言人盧覓雪笑說：「真係要問番嗰本雜誌，之前又係佢哋寫梁洛施入宮，依家又話零分手費，乜都佢哋講晒！佢哋私人嘢我唔回應，呢啲毫無事實根據、憑空捏造嘅報道更加唔會回應，我希望大家高抬貴手，畀啲私人空間佢哋處理私事。」

此外，古巨基對於前「同門」梁洛施分手一事，他坦言彼此素未謀面：「唔熟！做嘢未撞過佢，我係好後期加入英皇，睇報紙先知，當時（生小朋友）戥佢開心，不過感情事好難講，大家畀啲空間佢哋。」