趙碩之「屎忽痕」嚇鬼

農夫、趙碩之、鄧穎芝（Vangie）、鍾一憲、麥貝夷及朱紫嬈等歌手昨日出席《恐怖熱線》記者會，他們輪流上台分享靈異經歷，怎料趙碩之愈講愈投入，竟口快快說：「我屎忽痕……」全場即嘩聲四起，身旁的主持路芙更寸她：「咁你以後唔好口快快講『乜乜痕』喇！」令趙碩之一臉尷尬，事後她死撐說：「我以為講呢啲好平常，同埋之前有朋友用台山話教我講屁股，我就入咗腦，所以今日黐起條筋！」

Vangie透露小時候經常相約友人到處探險「撞鬼」，早前她在某工廠大廈乘搭電梯時更遇上怪事：「我衰多口囉！見部(車立)咁慢就話如果層層停都幾麻煩，點知真係逐層停，我嚇到衝咗出去，不過可能我夠陽氣，從未見過鬼魂！」

農夫識靈魂出竅

至於農夫則自誇學懂靈魂出竅，陸永說：「其實靈魂出竅唔關咩宗教或邪靈事，每個人都可以做到，仲可以控制自己發咩夢，我試過靈魂出竅去打仗，但發覺打仗會死好多人，就轉咗去戰場救人！」而C君則稱自己出竅後只會見到白光。