糖妹Kandy自嘲胸細冇人吼
最近有網友指組合糖兄妹的糖兄阿峰曾力追糖妹Kandy，二人昨日到電台宣傳時否認其事，Kandy又笑言並非宅男女神，她說：「宅男唔係鍾意大胸咩？」
外表Cute爆的糖妹Kandy最近成為網友甜心，素顏亮相新歌《還是會寂寞》宣傳片的她，被讚清新可人。最近有傳糖兄曾力追糖妹，昨日二人否認其事，糖兄說：「初時有唔開心，之後覺得幾好笑，話我喺糖妹屋企等佢，又話我作咗首歌畀佢！」他澄清一切只是網友的幻想，並強調沒有追過糖妹：「我有女朋友！（女友有冇唔開心？）佢唔高興，戥我唔抵！」
追男仔失敗
糖妹亦坦言看過有關傳聞，問到有否安慰拍檔，她說：「『兄弟』唔需要講。」對於成為新一代「宅男女神」，她笑說：「我唔覺得係，宅男唔係鍾意大胸咩？」她還自稱單身，並說：「冇追求者呀！我都想知點解，之前追求過陽光男孩『翻版羅仲謙』，但追求不遂！」
笑容甜到漏的糖妹，被封新一代「宅男女神」！（資料圖片）
糖兄否認曾追求糖妹，並澄清已有穩定女友。