蘇永康被誤認梁漢文(火羅)爆
草蜢前晚邀得張衞健、蘇永康、許志安與梁漢文擔任《華麗明星賽》嘉賓，節目又安排Star Ladies協助嘉賓比賽，張衞健看見靚女即抵死地說：「拿拿臨一人Mark一件上房啦！」當Star Ladies「揀仔」時，慘成「賣剩蔗」的蘇永康，被應屆國際中華小姐季軍張慧雯「Mark走」，他說：「你好有善心，肯揀我。」怎料對方原來認錯他是梁漢文，並說：「我唔係善心，你叫梁漢文，我叫張慧雯，我覺得大家有緣分囉！」全場即時笑到肚攣，張慧雯則尷尬得眼濕濕。另外，張衞健試食鮑魚時寸爆說：「TVB咁孤寒o架！又話啲鮑魚番梘咁大舊，一粒粒嘅！」
張慧雯認錯蘇永康是梁漢文，尷尬得不知所措。
張衞健及許志安試食鮑魚時彈三彈四，笑爆全場！
