周秀娜派定心丸愛男友大胸

周秀娜近日跟化妝師傳出緋聞，令髮型師男友陳偉成（Avis）在微博開火狂鬧，他們昨日分別在活動上堅稱情未變，Avis滿有信心地說：「冇人夠膽挑戰我，挑戰我者死！」

周秀娜（Chrissie）近日被傳跟化妝師Johnathan暗中「撻着」，衝擊她跟Avis之間的四年情，Avis前日在微博發火鬧人不自量力，似乎醋意大發，他昨日為服裝品牌行Catwalk，心情大靚接受訪問，並否認女友Chrissie被第三者追求：「冇人夠膽挑戰我，挑戰我者死。（撒手鐧？）憑我四十二吋胸肌，冇人夠膽埋我身！」

Avis表示Chrissie化妝師並沒有追求女友，他們只是工作上的夥伴，問到化妝師是否一直暗戀Chrissie？他說：「全香港有九百幾人暗戀佢啦！（你好有自信？）拍拖四年幾，大家都好相信對方！（你喺微博鬧人？）我間Salon發生咗少少問題，加上有個朋友患癌病差唔多要離開，發洩情緒啫！唔牽涉其他人。」

冇換化妝師

而Chrissie昨晚錄影電視節目《華麗明星賽》，緋聞化妝師未有跟隨她工作，問到是否避嫌而換化妝師？Chrissie說：「唔係，今日冇嚟啫！（尷尬？）你哋咁寫咪尷尬囉！搞都唔搞身邊人啦！可唔可以畀啲勁啲嘅（緋聞）我呀？」

她代男友澄清微博的言論只是講公司的事，跟化妝師無關，她更向男友大派定心丸：「總之我鍾意大胸男仔，暫時只係知我男友胸大！」而化妝師Johnathan日前在微博大讚Chrissie很美。