歌手薛凱琪（Fiona）昨日為Puma行騷，但面色麻麻的她全程腳軟，期間更獲安排座椅受訪：「尋日嘔咗十次，全日都冇食過嘢！一飲水就嘔，醫生話我發燒同疲勞過度，仲同我經理人講：『聽到未呀？疲勞過度呀！』依家好好多喇！不過個人仲係好飄！」雖然抱恙上陣，但Fiona仍落力宣傳：「咁難得攞到一個星期假返香港宣傳隻歌，我唔想嘥時間！」她透露入行後從未放過長假，希望六月完成新碟宣傳後能衝出亞洲旅行。
帶病上陣的Fiona，提起精神行騷，相當專業！
嘔到腳軟的Fiona，獲大會安排坐低受訪。
Fiona（右二）難得返港，即行騷搵銀。
