靚靚冇期待與Isabella合作

對於梁洛施（Isabella）與李澤楷分手，前晚出席Weekend by Max Mara　2011春夏時裝騷的袁詠儀（靚靚），坦言從未跟Isabella合作，即使對方將來復出，是否合作也沒有所謂，反而最想跟周潤發拍戲。問到洛楷分手會否感愕然？靚靚說：「都幾，由佢哋拍拖、生仔到分手都愕然，最後大家都會消化。小朋友係大前提，解釋咗就OK。（有人話佢哋三個小朋友好可憐？）佢哋會有辦法解決佢哋嘅問題，唔係我哋外人可以理解。（會唔會因為咁而覺得男人信唔過？）信唔信得過我唔知，我屋企嗰件（指老公張智霖）信得過咪得。」其後她又威脅地說：「佢有咩事，佢死梗！」

席上，靚靚與台上一位模特兒撞衫，她笑言行騷會腳震，還是適合做座上客。而靚靚日前在遊戲節目《華麗明星賽》勝出時說：「我係咪好叻？我贏咗六位數字獎品同埋近五位數獎金，家人都有受惠。（老公去玩再贏過？）佢冇我咁叻，所以我對佢唔會有任何寄望。」