Mandy Lieu證單身

混血名模Mandy Lieu前天已向本報親口否認與李澤楷有交情。Mandy昨日出席活動時，即與李澤楷劃清界線，再三否認緋聞，還強調自己是單身一族！

昨日Mandy Lieu、陳豪和鄧紫棋（G.E.M.）出席Sony產品發布會，甫到場即成為傳媒追訪對象。對於無端捲入「洛楷戀」，甚至指她是新任「楷女郎」，Mandy一概否認，並強調自與陳柏霖分手後，至今仍是單身一族。問到與李澤楷是否認識？Mandy說：「每個人都識李先生，但係喺Personal Level（個人範疇）嚟講，就唔係朋友，亦冇同佢一齊食飯。（你有冇SMS李澤楷？）SMS嗰個Mandy唔係我。（如果李澤楷追求會唔會接受？）唔知，如果係，會同大家講，但真係唔係。（佢為人點？）私下好少接觸，之前公司Annual Dinner因為有嘢做，冇去到。」

否認拖手遊日

Mandy亦澄清沒有如傳聞中與李澤楷手拖手同遊日本，對於無端爆出緋聞大感意外：「嗰時真係喺日本拍緊節目，呢半年都好少喺香港。（有傳李澤楷去探班？）唔係。（識梁洛施？）冇見過，唔識。（諗過做灰姑娘？）冇諗過，感情唔會特別去諗，隨緣啦！事業同感情我都唔會要求自己幾時要做啲乜，最緊要開心。（有傳李澤楷畀好多機會你？）我同now合作兩年，覺得自己做得OK嘅。」她又指不清楚舊愛陳柏霖曾與梁洛施鬧緋聞。

對於李澤楷昨日傍晚發聲明，記者再致電問到是否感到「甩難」？Mandy說：「我唔知乜嘢叫甩難，要講嘅今（昨）日活動已經講晒，新聞冇影響我，仍然繼續工作，冇乜特別嘢再講。」此外，正飽受牙痛之苦的陳柏霖昨晚更新微博，上載與好友的半蒙面照。對於前緋聞女友梁洛施與舊愛Mandy成為近日焦點人物，他說：「如侶柏冰」，未知是否為抒發心情而大玩食字，暗示「如履薄冰」？