GiGi被嘲棄麵食西餐

梁詠琪前晚舉行演唱會，舊愛鄭伊健大方送花籃祝賀。獲外籍男友捧場的她，大方剖白感情世界，卻被嘲食完「中國伊麵」再食「法國蝸牛」！

梁詠琪（GiGi）前晚在紅館舉行《香港G夜》巡迴演唱會，以7個造型演出，其中一套銀色鏡面公主裝，更令她谷出罕有的「事業線」。雖然男友Matthew「監場」，但她依然忘我地與男舞蹈員面貼面跳辣身舞，期間更被枕胸！

希望受保護

愛情、事業兩得意的她全晚極風騷，怎料戀愛史卻被嘉賓擺上枱揶揄：「我睇住你由香港擴大版圖去到台灣同大陸，睇住你由『中國伊麵』轉去食『法國蝸牛』，你出年會唔會食埋『日本拉麵』o架？」而GiGi亦公開剖白感情生活，憑歌寄意送上《煙花三月》給舊愛鄭伊健，據知伊健亦有送花籃祝賀，GiGi說：「好多人以為我咁高就好堅強，其實我好似非洲長頸鹿咁細膽，唔嚇得，我覺得我應該列入受保護動物行列。」她指女人都想找個男人依靠，更將男友比喻為管理員：「24小時On Call，幾時想見都見到佢！」

完場前，她向台下的媽咪講「我愛你」，卻刻意背向男友的方向，她說：「向住嗰邊講就畀人話o架喇！」演唱會在兩度安歌下結束。