薛芷倫要健康唔恨拍拖

李玟、薛芷倫、溫碧霞、萬寶寶及Ana R.等前晚出席《香港癌症基金會慈善餐舞會》。抗癌戰士薛芷倫以超性感打扮亮相，問到健康狀況？她說：「你哋覺得O唔OK？有啲嘢發生咗唔需要記住，唔會成日記得自己病！（戒酒？）有，只係間中飲少少紅酒，煙就戒咗，會早瞓同食有機食物！（磨皮？）醫生話會好番，皮膚會出過，蛇都識脫皮，人會Reborn，唔使做啲乜！」

問到是否想拍拖，薛芷倫說：「男朋友就好似Cup Cake上面嘅糖衣同Cream，但我要健康，食Cup Cake唔適宜有糖！如果男友可以同我煮嘢食同做運動，有正能量唔介意！」她表示與前夫已昇華為「一世的親人」，亦沒有想過復合。

李玟考慮人工受孕

另一邊廂，萬寶寶自爆替徐熙媛（大S）設計婚戒，並會出席他們下月22日的婚禮。而同場的李玟表示10月在香港結婚，婚後會順其自然造人：「如果自然方法唔Work，我會考慮人工受孕！」名媛由美子則與拍拖3年的英籍男友赴會，她表示與前夫關係要好，不急於再婚。