「分訊」碎童話夢子珊感可惜

梁洛施（Isabella）為李澤楷誕下三子，雖然未有嫁入豪門，但已引來不少女士羨慕，堪稱現實版灰姑娘！不過伊人前日宣布「分訊」，令人惋惜！港姐出身的徐子珊，昨日不禁大嘆可惜，還形容為「童話幻滅」：「我為佢哋分手感到可惜。（撫養權涉30億？）人哋嘅事唔方便講太多，不過係一個童話嘅幻滅，好可惜！（諗過嫁入豪門？）我心頭冇咁高，搵到先算啦！」

至於影壇新人陳嘉桓亦慨嘆童話故事未能有圓滿結局：「好可惜，冇諗過童話故事結局唔係大團圓，希望佢復出拍戲！」至於當年與Isabella為同期樂壇新人的官恩娜，則發聲力撐：「望佢開心，當年大家係同年新人，支持佢！（小朋友無辜？）佢哋識處理！」

法拉贊成共同撫養

三位兒子的撫養問題同樣備受關注，陳法拉認為共同撫養是好事：「小朋友好需要父母關心，大人關係上有咩變動都好，小朋友都係好緊要！」楊秀惠則說：「佢哋嘅聲明話咗會共同撫養，會負責任！不過件事都話到畀人知，無論生小朋友或養寵物都要三思！」