李綺雯至Cute限量版公仔
早前到新加坡宣傳電影兼拍特輯的李綺雯（o靚妹），想不到在當地會有Fans送禮物，令她喜出望外：「有Fans送咗個限量版聖淘沙公仔畀我，仲有一張明信片，真係好意外，估唔到喺新加坡都有人留意我。」o靚妹坦言最欣賞Fans這份細心和長情：「好多Fans都跟咗我好多年，有時佢哋會畀我更投入角色，我拍《同事三分親》時，就有Fans用咗我劇中『LuLu』個名，親手刻咗個牌仔畀我，好有心思。」
除一些值得紀念的小禮物外，o靚妹的Fans連她的喜好也留意到：「有Fans知道我係基督徒，所以特別送咗一條十字架頸鏈畀我，款式好靚，我成日都戴住。」
o靚妹經常戴上Fans所送的十字架頸鏈。
Fans用o靚妹劇中LuLu名字刻了牌仔送給她。
o靚妹獲新加坡Fans送贈限量版聖淘沙公仔及明信片，令她喜出望外。