GiGi愛英文砌字 Rain熊仔傳冬甩

梁詠琪（GiGi）和李彩華（Rain）愛在App尋找好玩、實用又能打發時間的軟件！英文水準向來不錯的GiGi，最愛玩名為Words with friends的英文砌字遊戲，她表示玩該App沒有太多時限性，好玩之處在於要動腦筋，如何砌出英文生字，同時可以和不同朋友對玩，GiGi說：「呢個App要左諗右諗，最難砌嘅係J、Q、X、Z呢個英文字母，但真係好好玩，除咗打發時間，仲可以考吓自己英文水平；呢個App嘅右上方，有個小型方格，Click入去就可以同玩緊嘅朋友傾偈聯誼，確係唔錯。」

而Rain則迷上Donut Dance的App，她笑說：「呢個App好得意，啲熊仔邊跳舞邊傳冬甩，我要指最後個冬甩傳到邊隻熊仔，由開頭四隻熊仔變到十幾隻，速度愈來愈快，難度亦愈來愈高，好考注意力同眼力，但真係好好玩。」

Words with friends 小攻略

★ 用7個英文字母砌出英文生字，最好不要單純砌一個生字，砌到「兩食」，甚或「三食」以上的生字就會愈多分。

★ 若然生字不合自己心水，可按「Swap」換字，甚至「Pass」一次博下一鋪。