靠內涵谷「事業」梁政珏騷在骨子裏

女星在娛樂圈可以靠身材突圍而出，「無綫新一代咪神」梁政珏身材惹火，早已被定位走性感之路，雖然她不介意騷「事業線」晒身材，但卻希望靠演技捨身材去追逐那個演藝夢！

模界近年「胸戰」激烈，電視圈亦掀起一輪「球賽」，同時彈起幾位「咪神」，除有高海寧和呂慧儀的形象性感外，還有一個梁政珏，今年29歲的她擁有34D上圍，甫入行已被標籤為性感電視女星，驕人上圍俘虜不少宅男，噴血打扮令她人氣急升。曾為雜誌拍過性感相的她原來對性感有另一種看法︰「我覺得性感唔係一定要着低胸裙，唔係話件衫要有幾少布，露好多肉未必係性感，我覺得性感應該係一種感覺。」

身材成話題

好身材的女星難免被人互相比較，一眾女星出活動互晒「事業線」屬家常便飯，但梁政珏不介意身材跟其他女星比較︰「我唔介意身材同人比較，一入行就有比較o架啦！」提到被封為「無綫咪神」，雖然她不介意，但對性感形象仍有保留，她坦言不希望穿上泳衣露「事業線」惹來閒言閒語，不想別人擁有色情的眼光。問她在公開場合性感上陣會否尷尬？她稱初入行時確實有點尷尬，不過在娛樂圈日子久了，想法與以前不同︰「依家我唔會諗人哋去望我身體邊個部位，淨係諗靚就得啦！」

身材往往成為別人談論的話題，不過34D的梁政珏在讀書時期並不是其他同學討論的對象︰「讀書時冇畀人討論，可能因為我喺美國讀書，嗰度啲人個個都好好身材，所以唔會有人刻意去講，不過我會同啲好朋友一齊討論身體變化。」她又指小時對青春期十分好奇，還會直接問母親︰「以前好羨慕啲少女有好身材，但依家覺得冇咩嘢啫！」

未圓選美夢

不少女孩都渴望長大後參加香港小姐，梁政珏亦曾擁有這個夢想，不過因家人的反對未能圓「選美夢」︰「未入行之前有諗過選港姐，但屋企人唔畀我着泳衣，所以冇去選美。」問到現在着泳衣可會被家人反對，她說︰「媽咪擔心我走光，我依家會同佢解畫，叫佢唔好擔心。好似之前拍《美麗高解像》都試過着泳衣，但係媽咪冇話特別反對。」並表示母親當初也沒有反對她入行。

梁媽媽為梁政珏操心二十多年，由返學讀書到投身社會工作，都希望女兒得到最好，難怪梁政珏大讚她是個百分百好媽媽︰「媽咪由細到大都好驚我學壞，好似我之前去美國讀書，佢就擔心我出國會有危險，覺得嗰度嘅人品流複雜。」問到怎樣勸服媽媽批准她出國升學，她稱與媽媽約法三章，又笑言找了一間思想老土的學校︰「我搵咗一間歷史悠久學校，啲學生好乖好純品，令媽咪安心啲。」

感激母支持

工作上梁政珏亦得到媽媽默默支持︰「我做嘢天光先返，佢會好擔心我安全，係一個百分百好媽媽！之前我工作上遇到唔開心嘅事，有負面新聞，報道被人扭曲事實，都會同媽咪傾訴，雖然佢講好普通說話安慰我，但由佢個口講出嚟我覺得好舒服。」

雖然梁政珏憑性感形象開始為人熟悉，但拍劇仍屬起步階段，需要時間磨練演技︰「我好自我，入行係為咗拍劇，可以話係我嘅夢想，但其實咩都想去做想去試，唔係淨係拍劇。」不過，不是所有工作她都能應付得到，跳舞便令她十分頭痕︰「我最憎跳舞，細細個跳過現代舞，但其他舞真係跳唔到，啲手腳唔協調。我曾經好沮喪，有一次做嘢要跳舞，我學得好慢，自己練習時跳到眼濕濕。」

戀情轉低調

梁政珏與潮牌老闆男友Eri感情穩定，早前有指薛凱琪介入仍無損二人感情，更曾被記者拍得在車內調情。雖然她和男友的戀情已是公開，不過她不欲多談，更坦言希望保護戀情，專注工作︰「有個朋友同我講，如果你想喺呢行發展，唔好多提自己感情生活，因為成日講會有唔好嘅影響。」

後記：大頭蝦道歉

初次接觸梁政珏，發覺她十分大頭蝦，訪問約在下午進行，記者在訪問前十五鐘收到她的來電，原來她把帶來做訪問的其中一隻高踭鞋留在髮型屋裏，她打給記者不斷道歉，擔心遲大到，從電話中聽到她的聲言音很焦急。

雖然她最後遲到，但氣未抖順即急急換衫，更無懼當日天氣寒冷，穿背心裙在露天花園拍照，毫無怨言。