薛家燕飯煲贈長者
薛家燕昨日帶同電飯煲作禮物，與滕麗名、陶大宇及許紹雄出席由太陽報愛心基金、東方日報慈善基金及保良局合辦的《關懷長者心長者宴。
正月未過，薛家燕、許紹雄（Benz雄）、陶大宇及滕麗名昨日齊齊出席筵開百席的長者宴，與逾千名長者聯歡。
家燕姐自備其代言的品牌電飯煲作抽獎禮物，她說：「之前睇報紙見到有好多老人家都需要電飯煲，我咪帶嚟送畀佢哋囉！」
滕麗名定時電話問候
同場的陶大宇榮升「長者殺手」，獲不少老人家邀合照，他又分享與長者相處心得：「要花多啲時間同老人家相處，佢哋成日亂諗嘢，要聽吓佢哋嘅心事。」他還表示家有高齡母親：「一星期至少陪佢三、四次o架！啲老人家好似小朋友咁，要氹。」
滕麗名語重心長「訓示」年輕一輩：「啲後生得閒打個電話返屋企，已經可以令到老人家開心成日！何樂而不為？」而自言不常參與慈善活動的Benz雄笑說：「我可以為咗慈善推其他工作，最重要係有錢出錢、有力出力！」
熱心行善的家燕姐大受歡迎，派利是期間獲不少長者邀合照。
滕麗名與長者玩遊戲相當投入，帶動現場氣氛。
陶大宇與陳細潔出席長者宴。
Benz雄推Job支持慈善活動，認真有心。