Baby娜姐「退役」無懼爭飯碗
兩位宅男女神Angelababy及周秀娜去年在寫真戰玩晒，可惜她們今年銳意轉型，揚言不會推出寫真！至於會否怕日、台模特兒來港爭飯碗？Baby透過經理人Kim說：「Baby已經轉型拍電影，冇乜關係！香港係自由市場，希望百花齊放，希望佢哋本寫真大賣啦！」至於娜姐則預告公司今年會揼本投資在師妹「32D命運少女」的寫真上，問到會否客串？她說：「唔會喇！因為32個女仔隨時出唔晒！今年電影公司出嗰本沙灘寫真都未知搞唔搞得成，我自己就唔會出囉！（日、台模特兒攻香港？）唔驚喎！證明寫真有市場！」而即將推出處女寫真的「Barbie姐」廖祉甯，亦希望「個個大賣」。
Baby去年推出的寫真集玩高貴，感性又性感。 （資料圖片）
娜姐揚言今年休戰，相信宅男一定很失落！ （資料圖片）