梁詠琪觸發無綫收視插水

梁詠琪（GiGi）有份參與的無綫特輯《梁詠琪：高妹G夜》收視只有13點，急跌11點，無綫白白流失逾60萬觀眾。

剛於周日播出的無綫節目《梁詠琪：高妹G夜》收視只有13點，比上星期同時段的汪明荃及鄭少秋特輯急跌11點，共流失逾60萬觀眾。無綫外事部副總監曾醒明雖然表示節目收視下跌，但明珠台仍有受惠。

優雅成教科書題材

雖然GiGi拖冧收視，但無損她在內地的人氣，近日一本內地教科書以其英文名「GiGi」造句，內容指「GiGi is elegant and versatile」，大讚GiGi舉止優雅及多才多藝。

對於獲內地課本大讚，GiGi接受電話訪問時直言受寵若驚，笑言以後要保持優雅及注重言行：「都係粉絲轉發先見到，真係冇諗過教科書會有自己個名！其實身為公眾人物平時要小心言行舉止，始終都係年輕人嘅偶像！」提到即將舉行演唱會，她表示綵排已進入最後階段：「呢排不停排舞瘦咗，但歌衫仲啱身，到時會跳Tango，施展渾身解數！」