Yumi玩失蹤遭無限期雪藏

在寫真集及Cosplay巿場上甚吃得開的模尹蓁晞（Yumi），最近參演鄧特希監製的亞視處境劇《親密損友》時玩失蹤，兩度缺席角色造型拍攝，連相關的宣傳活動都遲到半日才現身，鄧特希擔心劇集進度受阻，遂換上霍啟剛緋聞女友、台灣女主播趙彤頂上；而Yumi經理人公司有感Yumi多次失場兼影響公司聲譽，決定無限期雪藏她。

經理人戴夢夢昨日承認Yumi早前與她們在美國登台後便失蹤，加上拍劇失場，故公司已將她雪藏，至於會否採取法律行動，則正與老闆商討中，夢夢說：「Yumi十二月已經去咗美國，新年期間我哋去嗰邊登台都有預佢，但之後佢又唔見咗，我哋都搵佢唔到，只係Yumi打番嚟，或用電郵聯絡，佢今次甩底，公司都好唔滿意，佢成日用身體不適為由唔出現。（掛住拍拖？）佢係做嘢嘅，睇有冇心啫！我都知亞視換咗人。」至於夢夢在美國登台期間，與《巾幗梟雄》的「劉醒」黎耀祥合唱，夢夢笑言要化身他的另一半「九姑娘」，卻被祥仔寸爆：「九姑娘個家姐就有你份，你可以做『八婆』！」令夢夢哭笑不得！