近年頻頻攻內地賺人仔的鍾欣桐（阿嬌），日前與陳小春到內地擔任音樂會嘉賓，二人傾到雞啄唔斷，阿嬌笑說：「我喺機場撞見張韶涵，大家傾咗陣先走，喺外地見到朋友特別開心！」雖然天氣嚴寒，但她只身穿毛毛背心及珠片裙上陣，粉絲一擁而上爬到最前排欄杆，更有人兩度衝上台獻花！當她離去時，粉絲更不停伸手狂抓，難得阿嬌未有受驚，反而助手擔心她受傷而攬實她行：「我只係見到好多手喺我前面，同事就急急腳推我上車，好在平時我訓練有素，高踭鞋都行到識飛！熱情係好事，不過要顧住安全！」
阿嬌遇上小春，傾到眉開眼笑。
粉絲上台獻花，令阿嬌又驚又喜！
