林莉飯局「無價」

石詠莉近日自稱見過飯局名單上有C字頭的模特兒，洋名為Carrie的林莉昨日出席活動時表示，從未被問價：「我一向喜歡尋根究底，都有諗過點解冇人問！我估可能同人氣有關，惟有阿Q啲諗嚟自我安慰，可能我唔夠人氣啩！（你認為自己嘅飯局價係幾多？）無價囉！唔係咁易同我食飯o架！公司好保護我，同客戶合作會先摸清對方個底，到某階段先出嚟見。就算工作完都係食餐飯，唔會直落飲嘢！」她表示新年期間因空閒而大玩攀石，卻弄瘀一雙玉腿，故昨日出騷要搽粉來遮蓋瘀傷。

林莉笑言未被問價，應該與人氣有關。

吳亞馨（左起）、JC、林莉及Marina爭妍鬥麗，觀眾最有眼福。