嫌娜姐低檔 JC拒合作

周秀娜表示會跟「警鐘胸」名模Jessica C.（JC）合作拍寫真，抵抗寫真集兵團，不過JC昨日卻否認合作：「我想推去更高嘅層次！」

台灣名模吳亞馨、名模JC、林莉及崔建邦緋聞女友兼俄羅斯模特兒Marina V.，昨日以3D立體玫瑰戰衣Look，出席《LANCOME 2011全新Blanc Expert瞬白亮肌系列發布會》，大談美白心得。

酥胸半露的JC因怕走光，故不敢坐下接受訪問，她透露下月將飛往洛杉磯試鏡，為期超過兩個月，問到會否擔心影響收入？她說：「人生係要敢於冒險同嘗試，要有進步去遠啲！」對於周秀娜（娜姐）早前透露會為新片而與她合作拍寫真，但JC初說未肯定，其後又說不會合作：「我想出一啲可以表達我內心嘅嘢，想推去更高嘅層次，但未必係寫真集形式，可能會有少少性感！（唔想同周秀娜合作？）我同佢冇嘢，唔係唔想，但唔係呢個時候！」

Marina自爆有新歡

另一邊廂，對於無綫高層樂易玲建議崔建邦轉到幕後工作，Marina表示已有超過兩周冇聯絡崔建邦，但卻甜絲絲自爆情人節跟一位香港男士共享晚餐及收禮物！但否認此人是崔建邦，至於這位男士是否有知名度？她則大賣關子：「我要保守秘密！（同崔建邦劃清界線？）佢仍然係我朋友，唔會Delete（刪除）佢！（介紹工作畀佢？）我都冇嘢控制喺手！」