林峯全豹相外洩誰是內鬼?

備受無綫力捧的林峯去年與佘詩曼合演劇集尚未上檔，懷疑被「內鬼」盜取多張劇照，林峯極罕「豹紋Look」更在網上曝光。由於首次有劇照外洩，事態嚴重，無綫正內部徹查及可能訴諸法律！

林峯與佘詩曼合演劇集《花花世界花家姐》去年10月拍竣，由於兩位主角向來有收視保證，加上首演低智商的阿佘，被視為挑戰演技之作，劇集亦新聞多多，除了林峯拍攝期間頸椎移位要忍痛戴頸箍開工、劇集的煞科宴又爆出敖嘉年與冼灝英衝突事件外，兩星期前，懷疑有無綫內部職員私自將劇照發放上網，在內地網站及微博亦見《花》劇「蹤影」，無綫對今次懷疑內鬼所為極之震怒，已向多個部門展開徹查！

其實《花》劇播放日期尚未安排，按無綫慣例一般劇集只會在播放前兩星期才向外發放相片，加上今次網傳《花》劇的部分劇照場口，屬保密的宣傳焦點之一，其中更有在密室攝影房拍攝，因而排除「外人」所為。

徹查後擬法律追究

多輯外流劇照中，以林峯一輯在廠景的造型最「狂野」，穿上豹紋裝的他手執猩猩公仔扮可愛兼遮掩重要部位，頭戴虎紋卡通帽，造型爆笑，一改靚仔小生形象。

對於劇照在未經同意下於網上流傳，身在台灣拍MV的林峯承認感到不快，他表示原意希望待劇集播出時給觀眾驚喜，如今卻提早「穿煲」，他直斥發放相片的人抹煞創作人一番心血，對於有傳劇照乃公司內部漏出，他說：「其實呢啲事都有發生，只係今次嚴重咗！（有Fans話啲相係買番嚟！）我唔係好清楚。」其經理人在微博表示公司正徹查事件，並保留法律追究權利！

無綫首宗劇照外洩

《花》劇監製關永忠承認兩星期前從林峯影迷方面得悉劇照外洩消息，目前已向經手人取資料，但尚未有消息：「近年阿峯多數演專業角色，呢場係講佢畀人追數，被迫以性感造型拍成人雜誌，因為劇情需要，我哋要做本書嘅封面出嚟，啲相會經過助導、電腦部、美術部同事，太多人喇，仲調查緊。」他表示劇集仍未知何時推出：「等阿峯返嚟夾咗期（宣傳）先。」

外事部副總監曾醒明透露今次是無綫首宗劇照外洩事件，對於有影迷推斷不法之徒將劇照賣到網站，曾醒明坦言若有人將劇照作私人牟利用途，無綫必會追究到底，以儆效尤！