杜汶澤唔敢(目及)楊梓瑤
新片《猛男滾死隊》結合兩大笑匠杜汶澤和詹瑞文，與性感偶像周秀娜及「浸大E神」楊梓瑤等大演對手戲，飾演鹹濕風水師的阿澤與楊梓瑤有多場對手戲，他直言拍戲時為免引來誤會，從來不敢望實對方胸部，更說：「直到配音先夠膽望，原來真係好大，拍完成部戲都冇機會望，床戲都唔敢望，最怕呢啲，畀人懷疑係鹹豬手真係唔使撈。」
至於另一性感女神周秀娜，兩人均讚不絕口，阿澤更封她為「所有老婆的勁敵」，他說：「我老婆深知我嘅品味，好多對手佢都唔驚，呢個有啲驚嘞！不過，香港有周秀娜係好事，睇又好睇，拍又好拍。」詹瑞文亦力撐周秀娜可以對抗內地大江南北不同靚女，巿民亦由最初事事指摘，變得慢慢接受。
杜汶澤（左）和詹瑞文力撐周秀娜性感有理，封她為「所有老婆嘅敵人」。