新八模成員黃雪瑩（Suki）自認大膽，遇到心儀對象時會不惜採取主動，雖然她曾被男士追求，但亦有豐富的示愛經驗，問到有否主動追仔？她說：「有！不過係中學嗰時，其實好低能，細個鍾意打籃球嘅男仔，會帶一大班朋友捧場，咁就認識咗佢，最後仲變埋男友。」
早前Suki在桃花樹下繞圈催愛情運，但在西方及中國情人節過後仍未覓得真愛，自言十分男仔頭的她說：「朋友當我係男仔，同我同年紀嘅男仔都係好朋友，我鍾意大個啲，成熟啲嘅。（富豪型？）唔好，做闊太好悶。」
Suki自認大膽主動，自爆曾在中學時期主動追男仔。
