何韻詩柬埔寨送暖體驗貧苦

何韻詩與DJ Donald（唐劍康）被委任為本年度的「饑饉之星」，早前他們齊齊到柬埔寨探訪，親身體驗當地貧富懸殊及街童的生活，阿詩說：「好想佢哋知道，佢哋唔係低一等！」

在5天4夜的探訪旅程中，阿詩與Donald穿梭偏遠貧窮地區及與繁榮鬧巿只有一街之隔的貧民區，首次參與探訪的Donald說：「以前喺艾粒嗰陣因為形象太搞笑冇機會探訪，今次體會好深，見到當地人生活艱難，個心好酸。」阿詩踢爆Donald心情緊張，更帶備各類型物資派給小朋友：「佢哋窮到衫都冇得着，知我哋去拍攝，Donald帶咗啲自己嘅舊衫去畀佢哋，我下次都可以效法。」早前阿詩扭傷腰骨，在旅程中還要面對每日漫長的車程，她說：「由首都金邊去到偏遠嘅村莊路途遙遠又崎嶇，車程差唔多要六個鐘，但見到小朋友開心嘅笑容，辛苦啲都值得。」

Donald對街童感受深

在探訪過程中，阿詩與Donald不約而同對貧民區內的畫面最深刻，Donald說：「嗰度嘅小朋友畀命運玩弄咗兩次，本身生活困苦，以為出到巿區可以改善生活，點知仲慘！」他們表示貧民區內的小朋友受城市思想影響，在沒有父母保護的情況下生活，個人生存意識與與貧窮地區內的小朋友不同，阿詩說：「貧困地區嘅小朋友見陌生人會驚，怕拐帶，但街童就會搶慈善機構派發嘅物資，我哋喺街童中心聽佢哋分享，當中一個小朋友話多謝我哋冇嫌棄佢哋，其實好想佢哋知道，佢哋唔係低一等。」