Mr.難忘斷背情人節

樂隊Mr.五位成員接受ontv《娛樂on Show》訪問，不忘發揮搞笑本色，主音Alan自爆情人節獨自在街上看到滿街情人，即急Call隊友夾Band度過，Rock爆Lonely情人節！

樂隊Mr.的五位Band友感情生活並不多姿多采，曾度過Lonely情人節，早前他們接受ontv《娛樂on Show》訪問，與節目主持周吉佩大談情人節經歷，主音Alan坦言會與其他成員夾Band度過，他說︰「試過嗰日一個人行街，睇到好多一對對好Sweet，真係眼冤，咪即刻打畀佢哋去夾Band囉！」Dash談到曾與女友旅行過情人節，但旅行前後的時間都嗌大交，最終分手收場。

結他手MJ曾試過與二十對陌生情侶同枱共膳，他說︰「初初出嚟做嘢，想同女朋友食飯，見到一間餐廳有情人節套餐，點知入到去要同二十對唔識嘅情侶喺長枱一齊食，感覺好差，唔會再去！」Ronny則指情人節與男人度過最為難忘，其他成員聞言後笑他「斷背」，十分搞笑！

遊沙漠最浪漫

此外，Dash在訪問中發揮幽默本色，揚言最想與情人去沙漠過情人節︰「我想喺沙漠過，大家流住汗，既特別又浪漫。」想了解五子在訪問中有甚麼趣事？其他成員的理想情人節是怎樣？而鼓手Tom有否在訪問中提及緋聞女友o靚模Evelyn（蔡穎恩）？快啲Click入ontv的《娛樂on Show》去片啦！