李妮戴千萬鑽戒周街行
黃伊汶出席Roberto Cavalli活動時透露，剛從日本參觀錶展返港，近年轉戰商場代理手錶品牌的她揚言要做到好成績。問到有何目標？她說：「想進駐其他地方，例如日本、台灣同馬來西亞。（開舖？）唔係！先做櫃位試吓反應，如果開都係喺香港開，其實都物色緊地方。（投資七位數字香港開舖？）會係呢一年嘅目標。」問到是否會轉型減少接娛樂圈工作？她說：「唔係！不過暫時拍戲係副業，想放多啲時間做手錶生意。（咁咪冇時間拍拖？）拍拖都唔係用好多時間啫！」
同場的李妮戴上十卡鑽戒捧場，她透露戒指是兩年前老公所送，價值八位數字港元：「唔係情人節禮物，平時老公送禮物畀我都好即興，唔會揀大時大節先送。（戴出街有冇加強保安？）冇！我唔係好擔心，我買咗保險。」她表示買鑽石升值能力高：「呢隻戒指依家升咗大概30%，當係投資回報都唔錯！」
李妮大騷手上的十卡鑽戒，閃爆全場！
黃伊汶談起手錶生意，即笑逐顏開。