庭欣思明慢半拍失職

陳庭欣與莊思明昨日出席新春團拜，本來要陪梁乃鵬上台，但二人卻慢半拍，當梁乃鵬上了台，她們仍坐在觀眾席上！

無綫高層包括副主席梁乃鵬、集團總經理李寶安、業務總經理陳志雲及新上任的前八達通行政總裁、現職無綫國際業務總經理的陳碧鏵等，昨日在將軍澳電視城舉行新春團拜，不過新老闆陳國強卻未有現身。

應屆港姐陳庭欣與莊思明似乎未瞓醒，原本二人要陪伴梁乃鵬上台，但當梁乃鵬出去後，二人仍坐在座位上，連司儀安德尊都忍不住笑她們慢半拍。事後陳庭欣解釋：「唔係未瞓醒，只係第一次出席團拜，所以聽清楚叫我名先行出去。」問到有否留意陳碧鏵早前的新聞，她表示有看報章，但不清楚對方現時的工作，要稍後再作了解。

訓示員工齊心抗敵

有見市場未來將出現多三間免費電視台，梁乃鵬上台致詞時語帶激昂地訓示員工：「就嚟會多三間免費電視台，係好大嘅挑戰，但係我哋唔怕，因為我哋係TVB。我哋齊心合力應付挑戰，繼續領導者嘅地位，收視長紅，我哋永遠都係支配者。」他接受訪問時解釋「支配者」的意思：「即係老大，我哋接受挑戰，有挑戰先有進步。」

而初六才上任的陳碧鏵被問到可有信心為無綫賺錢？她說：「有信心，因為TVB係好好嘅公司，但係我啱啱初六先入嚟，都係同大家學吓嘢先。」