秋官爛Gag氹阿姐
汪明荃（阿姐）及鄭少秋（秋官）昨日到上環復康服務中心探訪，順道宣傳即將舉行的《新世紀2011演唱會》，並宣布將加開下月31日一場。席間，阿姐及秋官齊齊搓湯圓，秋官更邊食邊讚：「啲湯圓好似阿姐咁甜！」
此外，阿姐透露情人節當日已與老公羅家英食湯圓慶祝，故不會特別慶祝元宵節。而秋官笑言太太拒絕收花：「隨得佢睇中咩就買嚟做禮物。」問到收到甚麼情人節禮物時，秋官即笑問阿姐：「你送咗咩畀我呀？你係我情人嘛！」阿姐即不客氣請他食檸檬：「我哋係螢幕情人咋！」但秋官續笑說：「佢送咗個笑容畀我，令我增加力量！」
