許冠文寸Amina揸八千蚊搵人揼
棟篤笑大師許冠文前晚在紅館開騷，收益扣除開支後全數撥捐紅十字會：「今日（前日）老婆生日，當年同佢拍拖，當咗佢隻錶，之後年年都有送錶畀佢，不過今年佢就叫我開個騷畀佢睇，有意義啲！」但他其後又笑老婆有「何鴻燊現象」：「佢打開隻眼唔記得自己講乜，好熱情，以為自己好靚女，好多人鍾意！」一如以往，他在騷中寸盡娛樂圈及論盡時事，其中最「應景」莫過於寸包致金姪女Amina：「依家打個差人都係罰8千蚊，所以我成日左手拎住8千，右手就諗住打邊個，依家連交通警抄我牌我都想打！」此外，他笑言o靚模比才子更有腦，因為周秀娜的寫真集在書展一日狂賣5千本，才子只能「分得」幾本銷量！
許冠文典床講棟篤笑，邊個話「80後」先識創新？
兒孫上台獻花，許冠文喜上眉梢。
許冠文錫錫老婆及送花，認真溫馨！
黃子華專誠捧場，未知會否打算與許冠文夾份開騷？