石詠莉爆o靚模去飯局

前性感組合Freeze成員石詠莉，昨日大爆有英文名以C及D字為首的o靚模「飯局名單」，令o靚界人心惶惶！

石詠莉首次以個人身份為《3D肉蒲團之極樂寶鑑》電影錄製主題曲，並透露稍後會以性感造型拍MV。席間，她揚言已解散的組合Freeze才是「事業線」先驅：「依家咩人都晒！（係咪暗寸模跟風？）唔係！但無可否認好多模好出位，據知，行內盛行問價飯局，模都有價！」她又踢爆「同行」飯局價由數千元至數萬元不等：「我有朋友做公關公司，亦有朋友嘅朋友『幫襯』過！我仲知名單添！（有冇你識嘅人？）如果係我朋友，我連佢電話都刪埋，因為近墨者黑！不過，名單上嘅人好多都活躍喺圈中！」問到有沒有「貼士」？她說：「個名係『孖字』！唔可以開中文名，英文名就係C同D字頭！」並揚言自己因「冇副業」而快要「餓死」！

Carol：咪影射我！

對於石詠莉大爆圈中「飯局名冊」，英文名以C及D字為首的模反應各異，周秀娜（Chrissie）坦言懶得回應：「我忙到連食飯時間都冇，唔得閒回應！」至於「浸大E神」楊梓瑤（Carol）馬上劃清界線：「咪影射我作不道德交易！犯法o架！但我唔會採取法律行動！」而Jessica C.坦言曾聽聞「飯局歪風」：「我都聽過傳聞，但我戀愛大過天，一定唔會咁做！加上公司好保護我，根本唔會接觸到呢種事！」此外，「D字輩」盧頌之（DaDa Lo）則直斥無聊：「冇說話好講！」而陳靜（DaDa Chan）說：「冇必要回應！」