有夫妻相四月宜嫁娶

堪輿學家陳子才表示，郭羨妮（Sonija）於2010年至2011年期間會出現真命天子：「Sonija性格屬於外剛內弱，最好搵個畀佢更強嘅男人，佢就會變得小鳥依人，從個男仔眼眉睇，夠粗同眉向上揚，表示佢非常有男子氣概同陽剛重，好啱Sonija，鼻方面雖然大就表示大男人，但可代表帶領女方行一條新嘅路，而佢嘅眼珠大，代表心地好，對夫妻相嚟講幾好。」他透露4月6日至5月6日都適合Sonija結婚，特別是4月的15、17及27日更適宜嫁娶。