張栢芝被指因趕拍王晶電影而未能度期為陳勳奇執導的《楊門女將之軍令如山》「埋尾」，有份投資的上海電影製片廠遂封殺栢芝！對此，陳勳奇說：「我冇聽過封殺，依家我哋的確同栢芝度緊期，佢（指栢芝）講過會撐我，我信佢，過年前佢都幫我拍晒同任賢齊啲戲啦！」而栢芝經理人亦表示現正積極度期，根本未曾聽聞封殺一事。