祖藍自爆畀李阿媽警告

今日元宵佳節，王祖藍前日出席活動時坦言未想好如何慶祝，但他自爆剛過去的西方情人節收到最特別的「禮物」，竟非來自女友李亞男，而是李母的「警告信」！　　

王祖藍參演的賀歲片《我愛HK開心萬歲》票房報捷，前日他拉隊到戲院謝票，笑言正等着看曾志偉裸泳，卻遲遲找不到對方。

談到日前如何慶祝與李亞男的首個情人節，他表示已提早與女友慶祝，當晚拍拖花六元搭天星小輪，並送上女友最喜歡的粉紅玫瑰作情人節禮物，但他卻收到意想不到的「回禮」：「我收到佢媽咪畀我嘅警告信做情人節禮物囉！佢話我仲未過關，要對亞男、對佢父母再好啲。」

高海寧自誇升呢唔賣肉

問到身為教徒的他有否「破戒」？祖藍只說：「呢啲嘢唔使問啦！我哋係基督徒！（中國情人節點過？）未諗喎！」工作密麻麻的他表示，下月起至5月會跟福祿壽拍劇，其後則會拍戲至7月，難怪他慨嘆冇時間拍拖。

同場的高海寧自嘲片中個人演出的部分較悶：「自己做戲未夠好，要再練多兩年偷吓師。不過我覺得已經升呢，因為唔使再着泳衣出鏡，今次着多咗衫喇！」稍後她會與港姐冠軍陳庭欣及「電視食神」幟哥到越南拍飲食節目，她說：「第一次去越南，到時要轉九次內陸機先去到目的地。」